Jemeni drejt katastrofës humanitare, OKB e cilëson krizën si mizore

Kombet e Bashkuara shpresojnë të mbledhin 3.85 miliardë dollarë për të shmangur katastrofën më të madhe që bota ka parë ndër dekada. Jemeni është vendi më i varfër ku problemi i kequshqyerjes së fëmijëve është thelluar gjithnjë e më shumë. Përhapja e Covid 19 dhe luftrat e kanë rënduar gjithnjë e më shumë situatën.

Ndërsa nevojat janë rritur gjatë vitit të kaluar, financimi i përgjigjes së ndihmës ka rënë, duke bërë që OKB dhe agjencitë e tjera të ndihmës të zvogëlojnë ose të mbyllin programe të ndryshme të ndihmës. Uria nuk është deklaruar kurrë zyrtarisht në Jemen. Në 2018 dhe 2019, OKB parandaloi urinë për shkak të një programi te madh financimi. Ajo që po ndodh me njerëzit e Jemenit është e paimagjinueshme dhe mizore.

Grupet e ndihmës janë në mënyrë katastrofike të pafinancuara dhe të mbingarkuara. Shtetet e Bashkuara kanë negociuar për t’i dhënë fund luftës, i parë gjerësisht si një konflikt ndërmjet ndërmjet Arabisë Saudite dhe Iranit. Presidenti i SHBA-së, Joe Biden ka thënë se Jemeni është një përparësi, duke deklaruar një ndalim të mbështetjes së SHBA për fushatën ushtarake të udhëhequr nga sauditët.