Kapet 5.2 kg heroinë në Zvicër, në pranga shqiptari

Një çift i ri shqiptarësh është ndaluar së fundmi nga policia në Zvicër pasi në makinën me të cilën udhëtonin tip “Volkswagen Passat”, iu gjetën 5.2 kg heroinë.

Sipas raportimeve të medave lokale, çifti ka udhëtuar me makinë nga Itali për në Zvicër, duke kaluar edhe kontrollet në doganë.

Gruaja është lënë e lirë dje pasi sipas hetuesve, nuk kishte lidhje me drogën, ndërsa shqiptari u dërgua në burg.

Hetimet priten të hedhin dritë mbi trafikun e drogës.