Katalonja nuk është ish-Jugosllavi

Shefi i Komisionit Evropian Jean-Claude Juncker, në një intervistë është shprehur se populli katalanas nuk është nën presionin e Spanjës dhe sipas tij deri më tani nuk janë shkelur të drejtat e tyre. Situata e Spanjës dhe Katalunjës nuk mund të krahasohet kurrsesi me ish-Jugosllavinë nënvizoi Juncker në intervistën e tij për një media portugeze.

“Unë mendoj se Spanja nuk është ish-Jugosllavi. Duhet të respektohet dëshira e tyre për të shprehur vullnetin e lirë. Por në Kataloni nuk po përballemi me një problem të të drejtave të njeriut, sepse katalanasit nuk janë të shtypur e të kërcënuar nga Spanja”

Juncker tha se dëshirat e popullit katalanas duhet të dëgjohen, por sipas tij referendumi antikushtetues i 1 Tetorit, nuk pati një pjesëmarrje të tillë ku mund të thuhet se vullneti i përgjithshëm i popullit katalanas, është ajo që qeveria e tyre pretendon.

Zyrtari i Lartë europian shprehu shqetësimin se me shkëputjen e Katalonjës mund të humbasë kontrolli i unitetit të bllokut europian. “Nuk dua në të ardhmen një Bashkim Europian të ndarë në 95 vende të ndryshme” tha Juncker.

Diplomati tha gjithashtu se Kushtetuta spanjolle nuk e lejon një referendum për pavarësi, dhe sipas tij qeveria katalanase dhe pjesërisht Parlamenti rajonal tashmë e kanë braktisur ligjin. I pyetur për rolin e Europës në krizën e Katalunjës, Juncker tha se është një problem mes tyre.

“Është një çështje e brendshme dhe vetë spanjollët duhet ta zgjidhin këtë problem. Bashkimi Europian nuk mund të luajë një rol ndërmjetësimi në këtë rast. Kushtetuta Spanjolle është mjaft e qartë në këtë rast. Megjithëse unë nuk do doja të humbinsim kontrollin ne unitetin tonë Europian”

Më herët përfaqësuesit e Bashkimit Europian kanë shfaqur kundërshtimin e tyre për shkëputjen e Katalonjës nga Spanja. Shqetësimi i tyre është përçarja e unitetit europian dhe rreziku se në të ardhmën ndoshta rajone të tjera mund të kërkojnë pavarësi duke ndjekur shembullin e Katalonjës.