Katër luanë në kopshtin zoologjik të Barcelonës infektohen me Covid-19

Katër luanë në Kopshtin Zoologjik të Barcelonës në Spanjë kanë rezultuar pozitiv për koronavirus. Tre femra me emrin Run Run, Zala, Nima dhe një mashkull i quajtur Kiumbe u testuan pozitiv pasi shfaqën simptoma të lehta të Covid-19.

Autoritetet njoftuan po ashtu se dy anëtarë të stafit gjithashtu dolën pozitivë ndërsa një hetim është duke u zhvilluar për të përcaktuar si u infektuan kafshët, por mendohet se ato mund të kenë qenë në kontakt me një anëtar të stafit. Kafshët po trajtohen me ilaçe anti-inflamatore dhe po monitorohen nga afër.

“Luanëve iu dha kujdes veterinar, e ngjashme me atë që iu jepet kur kanë një gjendje gripale dhe ata reaguan mirë,” thanë kujdestarët në një deklaratë.

Kjo nuk është hera e parë që kafshët infektohet me Covid-19. Në muajin prill në kopshtin zoologjik Bronx SHBA, u regjistrua rasti i parë i njohur, ku katër tigra dhe tre luanë dolën pozitivë për koronavirus.

Veterinerët sqarojnë se rreziku i infektimit midis kafshëve të kopshtit zoologjik dhe vizitorëve, ndërkohë, është i ulët për shkak të mungesës së afërsisë.