Këshilltari i Boris Johnson theu karantinën, jep dorëheqjen një prej ministrave: Kam disa probleme me shpjegimet e tij

Nënsekretari i shtetit për Skocinë është bërë ministri i parë i qeverisë në Mbretërinë e Bashkuar që dha dorëheqjen nga kabineti pasi këshilltari kryesor i kryeministrit Boris Johnson, Dominic Cummings, dyshohet se theu rregullat e bllokimit në kulmin e krizës Covid-19.

Në letrën e tij të dorëheqjes, të botuar në mediat sociale të hënën në mëngjes, ministri i ri Douglas Ross këmbënguli se ai kishte zgjedhës që nuk kishin qenë në gjendje të thoshin “lamtumirë të dashurve” dhe nuk lejoheshin të “rrinin së bashku” si një familje gjatë pandemisë së koronavirusit.

Nuk mund të them me mirëbesim për ta se ata gabuan të gjithë dhe një këshilltar i lartë i qeverisë kishte të drejtë.

“Unë nuk kam komentuar publikisht për situatën me Dominic Cummings pasi kam pritur të dëgjoj detajet e plota. Unë e mirëpres deklaratën për të sqaruar çështjet, por mbeten aspekte të shpjegimit me të cilat kam probleme. Si rezultat, unë kam dhënë dorëheqjen si Ministër i qeverisë”, shkruajti Ross.

Ross shkroi se ndërsa “qëllimet e Cummings” mund të kenë qenë të mira, “shumica e britanikëve nuk pajtohen me interpretimin e tij të rregullave të bllokimit – masa që publikut i është dashur të respektojë rreptësisht.

Gjatë konferencës së tij për shtyp të hënën, Cummings ofroi një mbrojtje të gjatë të udhëtimit të tij të mbylljes prej 260 milje në Angli – nga vendbanimi i tij kryesor në Londër tek pasuritë e prindërve të tij në Durham në veri-lindje të vendit. Mungesa e tij e ndjesës ka ngjallur tërbim në të gjithë spektrin politik dhe shumë po kërkojnë shpjegime.

48-vjeçari pretendon se udhëtimi ishte i justifikuar, sepse ai ishte i shqetësuar që gruaja e tij e sëmurë dhe ai mund të sëmureshin dhe të ishin të paaftë për t’u kujdesur për fëmijën e tyre 4 vjeç.

Duke reaguar ndaj dorëheqjes, një zëdhënës i Downing Street nuk do të tërhiqej nga natyra e saktë e protestave të Ross-it, por thoshte se “Kryeministri do të donte të falënderonte Douglas Ross për shërbimin e tij ndaj qeverisë dhe shprehu keqardhje për vendimin e tij për të mos qëndruar nën Sekretar i Shtetit për Skocinë “.