Koronavirusi në Spanjë, vendi në izolim total, ja si paraqitet situata

Prej ditës së shtunë Spanja është izoluar për shkak të përhapjes së koronavirusit.

Në rrugë mbizotëron qetësia e cila thyhet vetëm nga altoparlantët e makinave që njoftojnë qytetarët për të mos dalë nga shtëpitë e tyre.

Mbi 1000 trupa ushtarake janë vendosur në 14 qytete të ndryshme të vendit për të mbështetur oficerët e policisë për të mbajtur rendin në vend.

Të vetmit persona që mund të qarkullojnë në rrugë janë ata që shkojnë në punë ose ose nëpër dyqane dhe spitale e farmaci.

Koordinatori i emergjencave shëndetësore, Fernando Simon shprehet se nëse qytetarët spanjollë i marrin seriozisht masat e vendosura nga qeveria, ata do të shohin rezultate vetëm në pak ditë.

Policia ka gjobitur rreth 199 persona që nuk kanë zbatuar urdhrat për karantinimin.

Ditën e nesërme pritet një mbledhje qeveritare për të diskutuar për ndikimin ekonomik të epidemisë në vend si dhe për zgjidhjen e mundshme të situatës.

Deri më tani, numri i viktimave në Spanjë është 309, dhe mbi 9 mijë të infektuar, duke e bërë kështu vendin e katërt me numrin më të madh të të infektuarve në botë.