Kremlini në ”prapaskenë” për su*min? Bild: Plani sekret i Putinit për Terhanin
“Plani sekret i Putinit për Iranin”, shkruan gazeta gjermane ”Bild” dhe shpjegon arsyet e përfshirjes së presidentit rus. “Irani po bombardon Izraelin, bota po e shikon me frikë, por një njeri është i emocionuar: lideri rus Vladimir Putin. Për të, përshkallëzimi në rajon po shkon pikërisht sipas planit. Ai largon vëmendjen nga lufta në Ukrainë dhe e lidh atë me forcat ushtarake perëndimore”, citon botimi gjerman të thonë ekspertët e luftës.
Rusia ishte e informuar për synimet iraniane. Moska gjithashtu do të kishte mundësinë të ndikojë në Iran nëse një veprim i tillë do të ishte kundër interesave ruse. Por Rusia nuk e bëri këtë. Fakti që Rusia qëndron pas “skenës” u tregua edhe nga reagimi i Moskës ndaj sulmit të Iranit të dielën. Edhe pse Ministria e Jashtme ruse dje zyrtarisht u bëri thirrje “të gjitha palëve” të tregojnë përmbajtje, ajo nuk e dënoi sulmin ndaj Izraelit. Përkundrazi, thekson botimi gjerman.
Më 7 tetor 2023, Hamasi sulmoi Gazën duke masakruar mbi një mijë izraelitë (ditëlindja e Putinit). Atë ditë presidenti rus fryu 71 qirinj. Por cinizmi i rusëve nuk u ndal me kaq, siç thekson botimi gjerman. Kur ambasadori i Izraelit në Rusi kritikoi reagimin e Rusisë, ai u sulmua ballë për ballë nga zëdhënësja e Ministrisë së Jashtme Maria Zakharova: “A mund të më kujtoni kur Izraeli ka dënuar qoftë edhe një sulm nga regjimi i tij i Kievit në tokat ruse? As unë nuk më kujtohet. As unë nuk e di. Por më kujtohen deklaratat e rregullta në favor të veprimeve të presidentit ukrainas Zelensky nga zyrtarët izraelitë”, tha Zakharova përmes Telegram.
Aleanca Putin-Iran është bërë gjithnjë e më e ngushtë vitet e fundit. Çfarë kanë të përbashkët: urrejtja ndaj SHBA-së, Perëndimit dhe mënyra e jetesës që është normale për evropianët. Irani dhe Rusia janë mburoja mbrojtëse e liderit sirian Bashar al-Assad, i cili ka vrarë qindra mijëra bashkatdhetarë të tij si dhe ka detyruar miliona njerëz të largohen nga shtëpitë e tyre dhe të kërkojnë strehim në Evropë. Moska i ka ofruar Teheranit ekspertizë të teknologjisë bërthamore prej vitesh.
