Kreu i OBSH nën akuzë nga ushtria etiopiane
Kreu i OBSH-së, Tedros Adhanom Ghebreyesus ka qenë shpesh herë nën akuzë muajt e fundit për mënyrën se si organizata që ai drejton po menaxhon pandeminë e Covid-19. Kësaj radhe akuza vjen nga Etiopia.
Ushtria e Etiopisë ka akuzuar drejtpërdrejt shefin e OBSH, se po mbështet forcat disidente në rajonin e përfshira nga lufta të Tigray.
Shefi i ushtrisë Berhanu Jula deklaron se Ghebreyesus është duke siguruar mbështetje politike dhe ushtarake për Frontin e Popullit për Lirimin e Tigray i cili është përfshirë në luftime ditët e fundit me qeverinë etiopiane.
“Ai po punon me vendet fqinje që të dënojnë luftën. Ai ka punuar që ata të marrin armë”, u shpreh gjenerali në një deklaratë për shtyp duke shtuar se Tedros nuk ka lënë gurë pa lëvizur për të ndihmuar TPLF.
