Krim i rëndë në Romë, shqiptari i dehur vret me thikë mikun e tij

Një krim i rëndë ka ndodhur gjatë natës së shkuar në kryeqytetin italian Romë.

Një emigrant shqiptar 41 vjeç nën efektin e alkoolit ka vrarë me armë të ftohtë mikun e tij tunizian 33 vjeç.

Viktima pasi është qëlluar me thikë ka ndërruar jetë në vendngjarje nga plagët e marra në kokë e në gjoks.

Ngjarja ka ndodhur rreth orës 23 të natës së 21 qershorit e dëshmitarët rrëfejnë se fillimisht mes autorit të krimit e viktimës ka pasur një sherr të dhunshëm i degjeneruar dhe nga alkooli që kishin konsumuar.

41-vjeçari shqiptar pas krimit ka braktisur viktimën e është larguar.

Autoritetet policore e kanë identifikuar e arrestuar pak çaste më vonë në afërsi të stacionit Tiburtina e në trup kishte ende njollat e gjakut të viktimës.

Shqiptari është një emigrant i pa dënuar më parë e i pa skeduar për aktivitet kriminal nga autoritetet italiane.

41-vjeçari shqiptar është vënë në pranga në burgun Regina Coeli e ndaj tij rëndon akuza e vrasjes së qëllimshme.

/Ora News