“Krisje” të Aleatëve?! Dita-ditës, toni i aleatëve të Izraelit po forcohet

Gjatë natës, Sekretari Amerikan i Shtetit Antony Blinken telefonoi Benny Gantz, një anëtar kyç i kabinetit të luftës të Izraelit. Ai tha se kishte “një nevojë urgjente për hapa afirmativë për të ulur tensionet në Bregun Perëndimor, duke përfshirë përballjen e niveleve në rritje të dhunës ekstremiste”.

Rreth 200 palestinezë janë vrarë në territorin e pushtuar që nga sulmi i 7 tetorit në Izrael. Diplomatët arabë janë të shqetësuar se mund të ketë një shpërthim dhune në Bregun Perëndimor që mund të përshkallëzojë konfliktin.

Blinken telefonoi ministrin e Jashtëm të Egjiptit dhe theksoi “rëndësinë e hapave konkretë për të minimizuar dëmin ndaj civilëve palestinezë në të gjithë Gazën”. Ai gjithashtu thirri homologun e tij jordanez dhe shprehu “shqetësimin e tij të thellë” për një sulm në një strukturë mjekësore jordaneze në Gaza.

E gjithë kjo pasi SHBA për herë të parë zgjodhi të mos vërë veton ndaj një rezolute të OKB-së që nuk arriti të dënonte Hamasin.

Dhe nuk janë vetëm amerikanët. Në fillim të kësaj jave, kryeministri britanik mbajti një fjalim duke paralajmëruar se shumë palestinezë po humbnin jetën. Dhe dje, presidenti francez përsëriti thirrjen e tij për një armëpushim humanitar, duke thënë se e drejta e Izraelit për të mbrojtur veten nuk justifikon bombardimin e civilëve.

Ministri i Jashtëm i Izraelit, Eli Cohen, ka sugjeruar se vendi i tij ka “dy ose tre javë” përpara se presioni ndërkombëtar për një armëpushim të mund të bëhet ‘strapacues’.