Kryeministri i Francës Gabriel Attal, emëron ish-partnerin si ministër të Jashtëm

Kryeministri i ri i Francës Gabriel Attal, 34-vjeç, i njohur tashmë dhe si kryeministri i parë ka zgjedhur kabinetin e tij.

Stéphane Séjourné, i cili dikur ishte partneri i kryeministrit, u emërua ministër i ri i jashtëm i Francës, duke zëvendësuar Catherine Colonna.

Macron zgjodhi Attal, një 34-vjeçar besnik me njohuri mediatike, për t’i dhënë frymë të re mandatit të tij të dytë.

Sipas sistemit francez, presidenti përcakton politikën e përgjithshme ndërsa kryeministri është përgjegjës për zgjedhjen e një kabineti dhe menaxhimin e e qeverisë.

Një qeveri e re franceze shpallet zyrtarisht nga Sekretari i Përgjithshëm i Pallatit Élysée.

Alexis Kohler e bëri njoftimin nga Jardin d’Hiver (Kopshti Dimëror) i pallatit presidencial.

Disa nga ministrat u rikonfirmuan në poste si Darman, ministër i brendshëm dhe Dupond-Moretti ministër i drejtësisë, Bruno Le Maire mbajti postin e tij si ministër i financave dhe Sébastien Lecornu mbetet ministër i mbrojtjes, raportojnë mediat franceze.

Emërimi i tij dërgoi një sinjal se ndryshimi ishte duke u zhvilluar, me Macron duke u përpjekur të rindërtojë qeverinë e tij pas një viti trazirash mbi reformën e diskutueshme të pensioneve dhe një ligj emigracioni që kritikët thanë se i bënte shumë lëshime të djathtës ekstreme.

Pas emërimit të tij të martën, Attal premtoi të jetë i guximshëm për të ndihmuar klasën e mesme të përballojë koston dhe rritjen e jetesës.