Kryenegociatori i BE: Londra të jetë më e qartë në negociatat për Brexit

Kryenegociatori i BE i kërkoi edhe njëherë Britanisë së Madhe të kishte qëndrime të qarta për të çuar përpara organizimin e Brexit, në ditën e tretë të një seance përpjekjesh të tendosura në Bruksel.

“Negociatat po vazhdojnë. Direktivat e drejtuesve evropianë janë parashikuar për negociata serioze dhe konstruktive, por ne kemi nevojë për qëndrime të qarta nga Britania e Madhe për të gjitha çështjet”, shkruan francezi Michel Barnier në rrjetin social Twitter.

Ai u shpreh një ditë para seancës së tretë të negociatave, nisur të hënën në Bruksel ku dy palën hodhën poshtë mungesën e progresit të regjistruar.

Të hënën, Barnier hapi negociatat duke shprehur shqetësimin e tij për ngadalësimin e tyre dhe duke u kërkuar britanikëve të fillojnë të negociojnë seriozisht mbi kushtet e ”divorcit” të tyre.

Njëzet e shtatë vendet që do të qëndrojnë në Bashkimin Evropian kanë vendosur tre prioritete absolute, fatura që do të duhet të paguajë Britania e Madhe duke lënë BE-në, fati i qytetarëve evropianë dhe e ardhmja e kufijve mes Irlandës dhe provincës britanike të Irlandës së Veriut.