Kryetari i partisë më të madhe në Maqedoninë e Veriut në izolim, del rezultati i testit për Covid

Lideri i një ndër partive më të mëdha në Maqedoninë e Veriut u njoftua më herët gjatë ditës se ishte futur në izolim shtëpiak, pasi kishte pasur kontakte me një gazetar, i cili rezultoi pozitiv me koronavirus.

Kryetarit të LSDM-së, Zoran Zaev iu bë menjëherë testi për Covid dhe tani Ministria e Shëndetësisë në Maqedoninë e Veriut njoftoi se tamponi ka dalë negativ.

Bashkë me Zaev në izolim ka hyrë dhe kryetari i partisë tjetër më të madhe maqedonase, VMRO-DPMNE, Hristijan Mickoski, i cili po ashtu kishte pas kontakt me gazetarin, që i kishte intervistuar të dy, disa ditë më parë.