Kryevirologu amerikan: Covid është bërë më i fortë, pandemia në fillimet e saj

Kryevirologu amerikan Anthony Fauci ka deklaruar se ‘Koronavirusi është bërë më i fortë’ dhe se ne “do të duhet të jetojmë me të deri sa të gjendet vaksina, e cila mund të jetë gati deri në fund të këtij viti ose fillim të vitit 2021”.

Ai u shpreh gjithashtu se “Pandemia Covid-19 është ende në fillimet e saj”.

Fauci paralajmëroi duke theksuar që “Në qoftë se vendet e botës nuk parandalojnë përhapjen e infeksionit, duke ushtruar edhe rivendosjen e masave të kufizimit aty ku është e nevojshme, nuk do të jemi në gjendje ta përballojme pandeminë në muajt në vazhdim, kur situata edhe mund të përkeqësohet më tej”.

I anashkaluar kohët e fundit nga Presidenti Trump, dhe pasi para pak ditësh u shpreh se Europa e ka menazhduar më mirë se SHBA-ja situatën pandemike, Dr. Fauci tha se Trump vazhdon ende ta dëgjojë dhe se ajo që i ndan është riaktivizimi i shpejtë i ekonomisë.