Lajme të mira për tregun e aksioneve, rritet me 6%

Tregu i aksioneve mblodhi veten të martën në mëngjes, duke u hapur me rreth 6% më shumë, për shkak të një optimizmi të përtërirë se Kongresi më në fund mund të arrijë një marrëveshje mbi një faturë fiskale prej 2 trilion dollarësh për të qetësuar goditjen ekonomike nga pandemia koronavirus.

Që nga ora 9:50 e mëngjesit të së martës, Mesatarja Industriale Dow Jones fitoi 6.6%, mbi 1.200 pikë, ndërsa S&P 500 u rrit 5.8% dhe Nasdaq Composite u rrit 5.2%.

Paketa e ndihmës koronavirus prej 2 trilionë dollarësh, një nga pjesët më të mëdha të legjislacionit financiar të propozuar ndonjëherë, ka dështuar të marrë votat në Senat për dy ditë me radhë, duke u përballur me kundërshtimin e demokratëve që kritikuan legjislacionin republikan se përqendrohet së tepërmi në dhënien e stimulit tek ndërmarrjet dhe duke mos bërë sa duhet për të ndihmuar punëtorët.

Por Kryetarja e Kongresit Nancy Pelosi të hënën prezantoi një projekt-ligj të veçantë për përgjigjen ekonomike që parashikon 2,5 trilion dollarë për t’u marrë me koronavirusin. Ky version i projekt-ligjit stimulues synon të dërgojë 1.500 dollarë tek secili amerikan dhe siguron fonde shtesë për masa si sigurimi i papunësisë. Pelosi tha se ky vendim “merr përgjegjësi për shëndetin, pagat dhe mirëqenien e punëtorëve të Amerikës.”

/ SCAN