Ligjvënësit evropianë aprovojnë certifikatën e gjelbër të vaksinimit për BE-në

Ligjvënësit evropianë kanë aprovuar sot krijimin e një certefikate të gjerë Covid-i me të cilën do të pajisen qytetarët e vendeve të BE-së. Certifikata është kërkuar nga shtetet jugore anëtarë në mënyrë që të ndihmojnë turzimin këtë vit.

Plani, me anë të të cilit vendet e varura nga turizmi si Spanja dhe Greqia shpresojnë t’i ndihmojë në ringjalljen e ekonomive të tyre, synon të prezantojë një leje standarde për personat që janë vaksinuar ose që kanë rezultuar negativë për virusin, për të udhëtuar në bllokun e 27 vendeve.

Sidoqoftë, gjetja e gjuhës së përbashkët mund të jetë e vështirë për shkak të dallimeve kombëtare në lidhje me njohjen e testeve negative, vështirësive teknike në krijimin e një porte të vetme të BE-së dhe shqetësimeve për diskriminim ndaj atyre që nuk janë vaksinuar.

Si rezultat, rezultati i mundshëm është një sistem që do të prezantonte certifikatat Covid si një emërues minimal të përbashkët, por do t’i linte shumë hapësirë ​​secilit vend për ato të drejta që ata do të ishin të gatshëm t’u jepnin mbajtësve të lejeve të tilla, thanë diplomatët.

Duke votuar me shumicë dërrmuese për një “certifikatë evropiane për Covid-19”, parlamenti Evropian tha se vendet anëtare nuk duhet të vendosin kufizime shtesë të udhëtimit për ata që mbajnë leje të tilla dhe se ata duhet ta bëjnë testimin falas gjerësisht të disponueshëm.

Por komisioni Evropian ka propozuar që vendet duhet të jenë në gjendje të mbajnë kërkesa shtesë, siç dëshirojnë edhe shumë shtete anëtare.

Duke reflektuar konfuzionin, zëdhënësi i komisionit Eric Mamer tha:

“Certifikata nuk ka të bëjë me lejimin ose ndalimin e udhëtimit. Nuk ka asnjë lidhje me këtë. Është një sistem informacioni mbi statusin tuaj shëndetësor në lidhje me Covid … Shtetet anëtare kanë të drejtat, përgjegjësinë kur bëhet fjalë për masat e sigurisë shëndetësore (të kërkuara për hyrje); certifikata e gjelbër digjitale nuk e ndryshon këtë.”