Lija e majmunit, EMA: Jo urgjencë shëndetësore, veç masë paraprake

Pas Covid-19, bota po shqetësohet shumë për linë e majmunit, por kryetari i strategjisë së vaksinimit të EMA-s (Agjencia Evropiane e Barnave), Marco Cavaleri thotë se nuk është urgjencë shëndetësore.

“Një pikë kyçe për linë e majmunëve është se ne po veprojmë paraprakisht, për të siguruar mundësitë e parandalimit dhe trajtimit nëse është e nevojshme. Kjo nuk është një emergjencë e shëndetit publik për momentin.

Edhe pse shpërthimi i lisë së majmunëve është i pazakontë, është qetësuese që shumica e pacientëve kanë pasur simptoma të lehta dhe janë shëruar pa trajtim. Është një virus jashtëzakonisht i ndryshëm nga Sars-Cov-2, duke u nisur nga fakti se nuk transmetohet lehtë mes njerëzve.