Liu Jieyi: Nuk ka arsye për të mos dialoguar me Korenë e Veriut

Ambasadori kinez në OKB, Liu Jieyi konfirmoi sot se nuk kishte arsye për të refuzuar dialogimin me Phenianin pavarësisht lëshimit të një sërë raketash balistike nga ana e Koresë së Veriut në shkelje të rezolutave të OKB-së.

“Nuk ka arsye për të mos dialoguar me Korenë e Veriut në situatën aktuale”, theksoi ai para gazetarëve pas një takimi me dyer të mbyllura të Këshillit të Sigurimit.

Koreja e Veriut hodhi sot poshtë në mënyrë kategorike deklaratën e OKB-së që dënonte testimin e raketës së fundit dhe e kërcënoi me një ashpërsim të sanksioneve.

Në një deklaratë unanime të mbështetur nga Kina, aleate e Koresë së Veriut, Këshilli i Sigurimit të OKB-së dënoi dje lëshimin e një Pukguksong-2, raketë me rreze të mesme veprimi.//ec/