Londër, një person plagos me thikë dy policë

Bota E Hënë, 12 Korrik 2021 05:09

BRITANI- Dy oficerë të policisë britanike janë plagosur pranë pallatit mbretëror ‘Buckingham’ në Londër, pasi një person i sulmoi ata me thikë. BBC raporton se policët janë lënduar kur po arrestonin të dyshuarin, i cili po rezistonte dhe lëndoi policët. Ata morën ndihmën e parë në vendin e ngjarjes, por nuk u dërguan në spital pasi lëndimet nuk ishin serioze.

Policia lëshoi një njoftim zyrtar ku u tha që i dyshuari ishte arrestuar për shkak se ishte i armatosur dhe përbënte kërcënim për sigurinë e kalimtarëve të rastit.Autoritetet ende janë në vendin e ngjarjes dhe po zhvillojnë hetime