Londra në krye/ Harta e ndërtuar me miell e që tregon konsumin e kokainës në Europë

Një hartë e bërë tërësisht nga mielli që ka për qëllim të ilustrojë shkallën e konsumit të kokainës nëpër qytetet kryesore evropiane, me Londrën që kryeson.

Artisti Nathan Wyburn ka krijuar një hartë të madhe të botës që përmban 161 kg miell të tipit (000) dhe që përfaqëson sasinë e kokainës së konsumuar në Europë.

Londra ka një konsum kokaine dy herë më të madh se Barcelona (80.18 kg në javë, 12.74 kg në ditë) e cila zë vendin e dytë, dhe pothuajse tre herë më të lartë se ajo e Amsterdamit dhe Berlinit në pozitën e tretë dhe të katërt, shkruan Ora News.

Vepra e artit, e cila është shfaqur në Greenwich, me pamje nga rrokaqiejt e Londrës, u porosit nga NOW TV për të shënuar fillimin e ZeroZeroZero, një mini-seri mbi trafikun e drogës.

Bazuar në librin me të njëjtin emër nga Roberto Saviano, seriali, në të cilin luan Gabriel Byrne, ndjek udhëtimin, koston dhe shkatërrimin e transportit të një ngarkese të madhe kokainë nga Meksika në Evropë.

Vepra arti ka përmasa 7 x 5 metra dhe përmban rrugët më të njohura të transportit drejt Evropës dhe Mbretërisë së Bashkuar nga Amerika e Jugut, Karaibet, Afrika Perëndimore dhe Brazili me shtatë anije mallrash që ilustrojnë se si 77% e kokainës bartet në rrugë detare, shkruan Ora News.

Nathan Wyburn shprehet: “Unë kam punuar me të gjitha mënyrat e ideve unike dhe mediumeve gjatë viteve. Kjo pjesë e ndërlikuar ka qenë tepër interesante për t’u hartuar, por është gjithashtu tronditëse për të parë statistika kaq tronditëse të grumbulluara shumë në formë mielli”.

Kokaina është droga më e zakonshme në Bashkimin Evropian, sipas Qendrës Evropiane të Monitorimit të Drogave dhe Varësisë nga Drogat (EMCDDA), rreth 18 milionë të rritur (të moshës 15-64) në BE kanë përdorur kokainë të paktën një herë në jetën e tyre.

Prej tyre, rreth tre milionë janë të rinj të të moshës 15-34, të cilët e kanë provuar gjatë vitit të fundit.

Në vitin 2018, numri i konfiskimeve të kokainës dhe sasia e kapur në BE arriti nivelet më të larta të regjistruara ndonjëherë, me më shumë se 110,000 konfiskime që arrinin në 181 tonë.