Luante ‘ruletë ruse’ me të dashurin, vritet 18-vjecarja në Brazil

I dashuri i një 18-vjeçareje në Brazil është arrestuar pasi dyshohet se e ka qëlluar për vdekje vajzën teksa ishin duke luajtur ruletë ruse. 18-vjeçarja Palloma Lima nga Brazili ndërroi jetë të hënën si pasojë e një plage të madhe me armë zjarri në kokë.

I dashuri i vajzës, një 27-vjeçar i paidentifikuar, është vënë në pranga pas tentativës për t’u arratisur. Ndërkohë që një tjetër çift të rinjsh, të cilët besohet se kanë qenë dëshmitarë në vendngjarje, janë marrë në pyetje nga policia.

Ka dyshime të forta Palloma është vrarë gjatë lojës famëkeqe të ruletës ruse, ku pjesëmarrësit vendosin një plumb të vetëm në një pistoletë me mulli dhe e tërheqin këmbëzën ndërsa e kanë vendosur armën në kokë.