Macron: SHBA t’i japin fund kufizimit në eksportin e vaksinës

“Nuk mund të justifikojmë ngadalësinë dhe mungesën e solidaritetit me BE. Nga 400 milion doza të vaksinës së prodhuar, ne kemi eksportuar 200 milion”, kështu u shpreh presidenti Francez Emanuel Macron lidhur me shpërndarjen e vaksinës së Covid 19.

“Ne kemi qenë më të ngadaltë me fushatat e imunizimit në Evropë sepse kemi qenë të hapur që nga fillimi. Shtetet e Bashkuara deri tani kanë eksportuar vetëm 5% të vaksinës në Kanada dhe Meksikë. Le t’i japin fund kufizimit të eksporteve”, tha Macron.

Kjo deklaratë e presidentit francez vjen në një moment kur BE ka kërkuar që kompanitë të heqin dorë nga e drejta e prodhimit të vaksinës dhe ta bëjnë atë të hapur për të mundësuar prodhimin në masë.