Macron zgjedh Edouard Philippe kryeministrin e ri të Francës

Presidenti i ri i Francës, Emmanuel Macron, në ditën e tij të parë të punës ka emëruar deputetin Edouard Philippe si kryeministër të vendit.

Zgjedhja vullnetare e një kreu të qeverisë jashtë partisë së presidentit është një lëvizje e pazakontë që është bërë në këtë vend.

Philippe është një deputet dhe kryebashkiak i Le Havres që i takon partisë Republikane. Mendohet se ai do të jetë një kundërshtues i fortë për ish-deputetët socialistë që i janë bashkuar fushatës së Emmanuele Macron.

Pas kësaj zgjedhje, presidenti duhet të udhëtojë menjëherë drejt Gjermanisë për të takuar kancelaren Merkel, e cila e ka mbështetur fushatën e tij.