Mali i Zi mbyllet nga Covid-19
Bota E Mërkurë, 10 Mars 2021 18:19
Ministria për Evropën dhe Punët e Jashtme, njofton se Mali i Zi ka ndërmarrë masa të reja sa i përket lëvizjes së qytetarëve.
“Duke nisur nga data 10 mars, do të ndalohet lëvizja jashtë dhe përmes komunave Podgoricë, Budva, Tivat, Herceg Novi, Ulqin, Cetinje, Nikshiq, Pluzine, Tivar, Kotor dhe Pljevlja. Qytetarët shqiptarë dhe ata malazezë nuk kanë nevojë të paraqesin test negativ në kufi, gjatë lëvizjeve tranzit nëpër territoret respektive. Këto masa vlejnë deri në një njoftim të dytë”, thuhet në njoftimin e Ministrisë shqiptare.
Mali i Zi është shteti më i prekur nga Covid dhe për këtë ka marrë vendim për mbylljen e lëvizjes ndër qytete. Për shkak të numrit të lartë infeksioneve qeveria e Malit të Zi ka kërkuar ndihmën e NATO dhe të BE.
