Mali i Zi shënon vetëm 7 viktima nga COVID-19, 321 të infektuar në total

Mali i Zi është shteti ballkanik, i cili ka më pak pasoja nga koronavirusi.

Mësohet se në vendin fqinj janë shënuar vetëm 7 raste vdekjesh dhe numri total i të infektuarëve ka shkuar në 321. Së fundmi mësohet se një 83-vjeçar ka ndërruar jetë, duke rritur bilancin e viktimave.

Pacienti ishte në spital që prej 23 marsit dhe ndodhej në gjendje shumë të rëndë shëndetësore, pasi vuante nga disa sëmundje tjera.

Ndërkohë 153 persona janë shëruar në Malin e Zi.

Nga shifrat e raportuara shihet se vendet e tjera ballkanie, përfshirë edhe Shqipërinë kanë një numër më të lartë vdekjesh dhe të prekurish nga Covid-19.