Maqedonia, konflikt me Greqinë për emigrantët

Policia maqedonase ka akuzuar homologët grekë së po i lëshojnë qëllimisht emigrantët aziatikë drejt Maqedonisë.

Sipas maqedonasve policët grekë nuk po bëjnë asgjë për të ndaluar vërshimin e emigrantëve për të kaluar në Maqedoni.

Është parashikuar një takim mes zyrtarëve maqedonas, grekë dhe serbë për të trajtuar këtë çështje.

Maqedonia akuzon Greqinë se ka lënë qëllimisht të kalojnë përmes Maqedonisë 1500 emigrantë.

Ditët e fundit Maqedonia është përballur me një fluks të frikshëm emigrantësh dhe ka pasur përplasje të forta mes tyre.