Masakra me 9 viktima, Vuçiç flet për autorin 14 vjeçar: Ishte nxënës i mirë, por të gjithë e shmangnin

Presidenti serb, Aleksandër Vuçiç ka folur për masakrën ku një 14-vjeçar vrau me armë zjarri 8 bashkëmoshatarë dhe rojen e sigurisë. Vuçiç tha se i mituri ishte ndër nxënësit më të mirë por ishte shmangur nga pjesa më e madhe e shokëve të klasës.

Presidenti serb shprehet se prindërit i kërkonin 14 vjeçarit vetëm rezultate të mira në shkollë dhe ky i fundit nisi të binte nga mësimet pas një pëlqimi që kishte pasur për një vajzë. Ndërsa pasi nuk arriti të përshtatej në klasën e re ku u transferua, vendosi të kryejë aktin e rëndë.

“Ai ishte nxënësi më i mirë dhe të gjithë e shmangnin. Kërkoi një transferim ku kishte tre shokë dhe ia doli mirë. Prindërit i kërkonin vetëm rezultate të mira në shkollë. Dhe rezultate disi më të dobëta kishte vetëm kur ishte i dashuruar. Ai nuk ia doli mbanë as në klasën e re dhe vendosi të bënte një akt monstruoz”, tha Vuçiç.