Matteo Salvini refuzohet nga kryebashkiaku polak, shkak bluza me Putinin (VIDEO)

Udhëheqësi i Legës në Itali, Matteo Salvini vite më parë në Moskë ka bërë një foto ku në bluzen e tij ka qenë e stampuar fotoja e Vladimir Putinit. Ndaj dhe sot, ai u kontestua në Przemysl, një qytet polak që ndodhet shumë pranë kufirit me Ukrainën.

Kryebashkiaku i këtij qyteti, Wojciech Bakun, fillimisht falënderoi Italinë për ndihmën që po jep, por Matteo Salvini nuk e priti.

“Unë nuk ju pres këtu. Ejani me mua në kufi dhe dënoni atë që po bën Putini”, tha Bakun.