Mbi 5000 policë rrethojnë gjykatën, gjyqi për Imamoglu do të zgjasë gjithë natën

Atmosfera e tensionuar jashtë gjykatës së Stambollit, aty ku mijëra mbështetës të Ekrem Imamoglu janë mbledhur dhe po brohorasin në mbështetje të kryebashkiakut të Stambollit, i cili doli sot për herë të parë para togave të zeza pasi u arrestua nën akuzat për terrorizëm.

Pavarësisht ndalimit të tubimeve, i cili u zgjat deri më 27 mars, mbështetësit e Imamoglus po qëndrojnë jashtë gjykatës, ndërsa procedurat me 34 hetuesit dhe 91 të pandehurit (përfshi Imamoglun) pritet të zgjasin gjithë natën.

Forcat e policisë e kanë kthyer pallatin e drejtësisë në një fortesë pasi janë përforcuar me 5000 kolegë të tyre nga krahina të tjera të vendit, për të ruajtur qetësinë dhe rendin.

Imamoglu mbërriti në Gjykatën e Caglayan në Stamboll pasditen e sotme për t’u paraqitur para prokurorit, i cili do të vendosë për vazhdimin ose jo të masës së paraburgimit të kryebashkiakut, i cili është kundërshtari kryesor i presidentit turk Rexhep Taip Erdogan.