Mbreti tenton t’i shpëtojë pandemisë, sovrani aziatik është futur në izolim

Mbreti i Tajlandës, Maha Vajiralongkorn, i njohur dhe si Rama X, prenotoi një hotel të tërë luksoz në zonën turistike të skive në Bavari, Garmisch-Partenkirchen, për “t’u izoluar” nga koronavirusi së bashku me shpurën e tij dhe një harem prej 20 konkubinash.

Hoteli me katër yje mori një leje speciale për karantinën e mbretit, shkruan “Bild”.

Sovrani 67-vjeçar ka një staf me disa shërbëtorë dhe 20 femra, por që nuk dihet nëse mes tyre janë dhe 4 gratë e tij.

Të gjitha hotelet në zonë janë mbyllur, për shkak të emergjencës koronavirus, por zëdhënësi i autoriteteve lokale shpjegoi se “Grand Hotel Sonnenbichl” mori një leje speciale, në mënyrë që mysafirët bëjnë pjesë në një grup të vetëm homogjen.

119 pjesëtarë të shpurës së Rama X u dërguan në Tajlandë, sepse u infektuan me koronavirus.