Me batanije dhe më këngë rezistence/Gratë në protestë: Ligji i ri na diskriminon

Më 31 dhjetor, Delhi përjetoi ditën e tij më të ftohtë në më shumë se një shekull por kjo nuk i pengoi gratë e lagjes Shaheen Bagh. Të armatosura me batanije të trasha, gota të ngrohta çaji dhe këngë rezistence, ato protestojnë në një rrugë publike që nga 15 dhjetori. Kërkesa e tyre? Revokoni Aktin e Ndryshimit të Shtetësisë (AAC). Ligji, i cili hyri në fuqi në 11 dhjetor, ofron amnisti për emigrantët jo-muslimanë nga Pakistani, Bangladeshi dhe Afganistani. Qeveria e drejtuar nga Partia Bharatiya Janata thotë se do të mbrojë pakicat fetare që largohen nga persekutimi në këto vende.

Fjalët e qeverisë kanë bërë pak për të siguruar myslimanët e Indisë, shumë prej të cilëve kanë frikë se ligji do të kthehet në diskriminim kundër tyre dhe madje mund të shkojë aq larg sa t’i detyrojë të lënë vendin ose të përfundojnë në qendrat e paraburgimit. “Unë zor se e lë shtëpinë time vetëm. Djali ose burri im më shoqërojnë edhe në tregun e afërt. Kështu që e pashë të vështirë që në fillim të isha këtu. Unë ndjehem i detyruar të protestoj”,-thotë Firdaus Shafiq, një nga protestueset.

Edhe pse qeveria ka thënë se nuk ka plane të menjëhershme për të zbatuar një QKR mbarëkombëtare, protestat kanë vazhduar dhe disa nga gratë shumë të përkushtuara për kauzën, kanë hequr dorë përkohësisht nga puna. “Ne nuk e dimë se ku dhe si t’i marrim ato dokumente, të cilat do të dëshmojnë shtetësinë tonë”. “Ne po ndahemi mbi bazën e fesë. Së pari ne jemi Indianë dhe më pas, Hindusë ose Myslimanë”.