Më shumë se 7 milionë raste Covid në të gjithë botën! UNICEF ​​ngre alarmin për Amerikën Latine

Në të gjithë botën numri i personave të prekur nga infeksioni i koronavirusit ka tejkaluar shifrën 7 milionë (7.085 894) kurse numri i viktimave është më shumë se 405 mijë.

Ndërkohë, sipas një studimi të fundit të UNICEF për të rinjtë në Amerikën Latine dhe Karaibe, vetëm një e treta e atyre që morën pjesë zgjodhën të gjitha përgjigjet e sakta kur u pyetën se si transmetohet Covid-19 si dhe rreth një e treta e 10.500 të rinjve që morën pjesë në studim në këtë rajon besojnë se nuk rrezikojnë të kontraktojnë sëmundjen.

Këto rezultate shqetësuese tregojnë rëndësinë dhe emergjencën e nevojës së informacionit në Amerikën Latine për Covid, vecanrisht për ata me qasje të kufizuar në platformat digitale.

Pandemia ndërkohë në Ameriken Latine vazhdon dëmet e saj ku në 24 orët e fundit numri i vdekjeve ishte 1367 për një total prej 66,952 personash ndërsa të infektuarit kanë pësuar një ulje (33.087 në 24 orët e fundit), mbase për shkak të një numri të ulët testesh të kryera, duke arritur në 1,353.910.

Në Brazil numri i përgjithshëm i viktimave është 37 134 kurse totali i infeksioneve është rritur në 707 412.