Mediat amerikane: Biden mund të tërhiqet nga gara për president në fundjavë

Presidenti amerikan Joe Biden mund të njoftojë në fundjavë tërheqjen nga gara për Shtëpinë e Bardhë. Lajmi është publikuar në disa media amerikane, sipas të cilave ai do të njoftojë tërheqjen pas përfundimit të konventës republikane.

Axios citon disa anëtarë drejtues të Partisë Demokratike, sipas të cilëve presidenti “në mënyrë private është dorëhequr ndaj presionit në rritje dhe sondazheve negative”. Udhëheqësit demokratë në Kongres presin që zëvendëspresidentja Kamala Harris të bëhet kandidatja e tyre nëse Biden tërhiqet.

Njerëz të afërt me Biden i thanë New York Times se presidenti “po pranon mundësinë që mund t’i duhet të largohet nga gara”. Një nga ata njerëz raportoi se “realiteti po merr përsipër” dhe se nuk do të ishte befasi nëse Biden do të bënte një njoftim për tërheqjen së shpejti. Të gjithë ata që folën për Neë York Times e përshkruan situatën si “jashtëzakonisht të ndjeshme”.

“Jemi afër fundit”. Kështu e përshkruan një burim nga rrethi politik i Biden situatën me NBC mes kërkesave urgjente për largimin e presidentit dhe uljes së donacioneve. Midis stafit të Biden ka një “ndjenjë të dukshme” se gjërat kanë ndryshuar dhe madje disa nga mbështetësit më të zjarrtë të presidentit tani besojnë se presidenti mund të tërhiqet. Ka një dorëheqje për t’u përgatitur për atë që vetëm tre javë më parë dukej si një hipotezë e paimagjinueshme: tërheqjen e mundshme të Biden.

Biden rezulton pozitiv me Covid. Ai pritej në një ngjarje të UnidosUS, organizata që përfaqëson hispanikët dhe latinët, por pjesëmarrja e tij u anulua. Biden është aktualisht në izolim në shtëpinë e tij në Rehoboth.