Mediat turke: Arrestohen kryetarët e bashkive në Turqi, dyshohet se kanë lidhje me celula të dyshimta
Si pjesë e një hetimi terrorist në lindje dhe juglindje të Turqisë disa zyrtarë lokalë të një partie politike e akuzuar nga qeveria për lidhje me grupet terroriste u arrestuan sot herët, njoftojnë burimet e sigurisë, raporton Anadolu Agency (AA).
Kryetari i Bashkisë Igdir, Yasar Akkus nga Partia opozitare Demokratike e Popujve (HDP) u arrestua sot herët në kuadër të hetimeve terroriste.
Njësitë policore mbyllën zonën përreth ndërtesës së bashkisë dhe filluan bastisje të njëkohshme si në rezidencën e Akkus ashtu edhe në zyrën e tij në bashki, thanë burimet e sigurisë.
Akkus u arrestua më vonë në shtëpinë e tij dhe u dërgua në ndërtesën e policisë. Ndërsa bastisjet në shtëpinë dhe zyrën e tij kanë vazhduar, kurse njësitë e sigurisë kanë arrestuar edhe kryetarët e bashkive Baykan dhe Kurtalan në provincën juglindore Sirtit për lidhje të dyshuara me grupin terrorist PKK.
Sipas burimeve, kryetari i Siirtit, Berivan Helen Isik, nënkryetari i bashkisë Peymandara Turhan, kryetari i qarkut Kurtalan, Baran Akgul dhe kryetari i qarkut Baykan, Ramazan Sarsilmaz u arrestuan si pjesë e hetimit terrorist të iniciuar nga kryeprokurori publik i Siirtit.
Ndërsa policia ndërmori masa të gjera sigurie përreth ndërtesave të bashkisë dhe ndërtesës së policisë, bastisjet në të gjitha zyrat e zyrtarëve lokalë vazhduan.
Qeveria turke akuzon HDP-në për lidhje me grupin terrorist PKK dhe një numër i madh i kryetarëve vendorë të HDP-së janë pezulluar nga detyra, duke u përballur me akuzat për terrorizëm.
Për më shumë se 100 ditë, dhjetëra familje kanë organizuar protestë përpara Zyrës së HDP-së në provincën juglindore Dijarbakir, duke akuzuar zyrtarët e partisë se kanë ndihmuar grupin terrorist PKK të rekrutojë me forcë fëmijët e tyre.
Në fushatën e saj terroriste më shumë se 30-vjeçare kundër Turqisë, PKK e renditur si organizatë terroriste nga Turqia, SHBA dhe BE ka qenë përgjegjëse për vdekjen e rreth 40 mijë njerëzve, përfshirë shumë gra, fëmijë dhe foshnje.
