Merkel udhëzon kryesimin bullgar: Vëre maskën si duhet!

Sot ishte një ditë e veçantë për kancelaren gjermane Angela Merkel, e cila festoi ditëlindjen e 66. Ajo mori pjesë në një takim të mbledhur sot në Bruksel me krerët e 27 vendeve të Bashkimit Evropian.

Kjo është hera e parë që liderët u takuan fizikisht dhe temë kryesore e diskutimit ishte plani i rimëkëmbjes ekonomike. Por me sa duket nuk kanë munguar as batutat e shkëmbyera mes liderëve.

Në një foto të publikuar nga mediat botërore Merkel i jep leksione kryeministrit bullgar, Boiko Borisov se si të vendosë maskën siç duhet pasi ky i fundit kishte lënë hundën jashtë.