Merkel vendos rihapjen e parqeve dhe disa aktiviteteve të tjera në Gjermani. Ja çfarë thotë për rinisjen e udhëtimeve në Europë

Gjermania ka vendosur të zgjerojë lehtësimin e masave shtrënguese Covid-19 në vend.

Kështu do të lejohet që parqet e lojërave, kopshtet zoologjike, muzetë dhe kishat të rihapen, por me kusht ruajtjen e kufizimeve nga personat që do t’i vizitojnë.

“Restorantet dhe ambientet e kujdesit ditor nuk janë shqyrtuar për hapje në këto momente”, tha kancelarja Angela Merkel.

Më tej, Merkel shtoi:

“Çështja nëse mund të udhëtoni në Evropë nuk është në rendin e ditës. Ne kemi arritur shumë gjatë javëve të fundit, por për sa kohë që nuk ka vaksinë apo trajtim, është e domosdoshme të jemi të kujdesshëm.”