MIANMAR – Zhduket një avion me të paktën 106 persona në bord

Mbetjet e një avioni ushtarak që transportonte mbi 100 persona, ku shumica ishin gra dhe fëmijë nga familjet e ushtarakëve, u gjetën në det disa orë pas zhdukjes nga radarët.

“Kemi gjetur në det pjesë të avionit, 218 kilometra larg qytetit të Dauei”, deklaroi Naing Lin Zaw, përgjegjës i forcave ajrore.

“Komunikimi u shkëput papritur rreth orës 13:35 (7:05 GMT)”, njoftoi më herët gjenerali Min Aung Hlaing.

Gjenerali theksoi gjithashtu se kishte 106 ushtarë dhe anëtarë të familjeve të tyre si dhe 14 anëtarë të akuipazhit në avionin tip Y-8F-200 të prodhimit kinez.

Nga ana tjetër një burim pranë aeroportit fliste për 116 persona në bord.

“Operacione kërkimi dhe shpëtimi janë duke u zhvilluar, me mbështetjen e avionëve dhe të anijeve ushtarake”, shtoi shefi i ushtrisë.