Mike Pence në Romë

Zëvendës Presidenti i SHBA Mike Pence ka mbërritur sot në Romë për një vizitë zyrtare pune.

Rreth orës 12.00 do të takohet me Papa Franceskun e më pas dot ë zhvillojë një takim kokë më kokë me Sekretarin e Selisë së Shenjtë kardinalin Pietro Parolin.

Rreth pasdites numri 2 i SHBA do të takohet me Presidentin e Republikës italiane Sergio Mattarella e rreth orës 17.00 do të mbërrijë në selinë e Kryeministrisë italiane ku do të pritet nga kryeministri Giuseppe Conte.

Në këtë vizitë priten të diskutohen tema të rëndësisë ndërkombëtare si sitauta në Libi, Irak e Iran si dhe negocimi mbi taksimet e imponuara nga SHBA për tregtimin e mallrave europiane.