Ministri rus Lavrov në Turqi: Rusia mund të tërhiqet nga ujdia për ”bukën e botës”

Rusia mund të braktisë marrëveshjen që zhbllokoi eksportimet e grurit nga portet e Ukrainës. Ministri i Jashtëm, Sergej Lavrov, gjatë një vizite në Turqi, tha se negociata do të ketë vetëm nëse respektohen interesat dhe kërkesat e Rusisë.

“As fertilizuesit dhe as gruri nuk janë vendosur në listën e sanksioneve, por gjithçka tjetër është, siç pohoi dhe miku im, ministri i jashtëm turk, Çavushollu.

Po flas po përjashtimin nga sistemi SWIFT, faktin që është e pamundur të garantojmë dërgimin e kargove në ritme normale, pamundësinë për anijet e Rusisë për të hyrë në portet e Mesdheut dhe anijet e huaja në portet ruse. Kjo është arsyeja pse ne detyrohemi të zgjasim marrëveshjen çdo 120 ditë edhe pse nuk shohim asnjë shenjë për zgjidhjen e atyre problemeve.

Ne jemi lodhur duke u bërë thirrje përgjegjësve që t’i thërrasin ndërgjegjës, prandaj, po, kemi vendosur që të shkojmë për një përshkallëzim të lehtë dhe propozuam zgjatjen e ujdisë për vetëm 60 ditë. Nëse pengesat për eksportimin e fertilizuesve dhe grurit të Rusisë do të mbahen, ne do të duhet ta mendojmë mirë nëse na nevojitet kjo marrëveshje”.