Kryeministri Mitsotakis përjashton ish-kryeministrin nga partia, i përmendi Edi Ramën

Kryeministri grek Kyriakos Mitsotakis ka marrë një vendim me dorë të hekurt, pasi ka përjashtuar nga partia ”Demokracia e Re” ish-kryeministrin konservator Antonis Samaras.

Ky veprim i tij vjen pas një interviste të ish-liderit të ”Demokracisë së Re” në gazetën To Vima të së dielës, ku ka kritikuar përsëri shumë ashpër kryeministrin Mitsotakis dhe ministrin e Jashtëm Gerapetritis.

Samaras në intervistën e tij shkruan tekstualisht se “Zoti Mitsotakis si dhe presidenti qipriot, z. Christodoulidis po flirtonin me Erdoganin dhe Ramën”.