Monedhat dixhitale arrijnë shifrën rekord

Tregu i parave dixhitale ka arritur vlerën e 300 miliardë dollarëve të dielën në mbrëmje për herë të parë, pas rritjes së jashtëzakonshme të dy monedhave dixhitale.

Sipas të dhënave nga “CoinMarketCap”, i gjithë tregu i monedhave dixhitale ka arritur në 303 miliardë.

Bitcoin, monedha më e madhe dixhitale tani ka kapur vlerën totale të 150 miliardë dollarëve. Ajo pati vlerën më të madhe të hënën duke iu afruar 10 mijë dollarëve, transmeton Albinfo.ch.

Ethereum, monedha tjetër e madhe arriti vlerën e 485 dollarëve për njësi të dielën në mbrëmje.

Tregu i monedhave dixhitale në nëntor pati vlerë 200 miliardë, ndërsa iu desh më pak se një muaj për të arritur 300 milionëshin.