Mori çmimin Nobel për Paqen, por kryeministri dërgon ushtrinë në provincën rebele. Vendi në prag të luftës civile

Kryeministri i Etiopisë, Abiy Ahmed Ali ka marrë çmimin më prestigjioz dhe të papritur për një politikan, sidomos në një zonë të vështirë si ajo e Afrikës lindore, çmimin Nobel për Paqen.

Tashmë Ali është në qendrën e vëmendjes për ngjarjet që po ndodhin në një provincë rebele, dhe që rrezikojnë të çojnë vendin me më shumë se 116 milionë banorë në pragun e një lufte civile.

Provinca rebele është ajo e Tigray, në veri të Etiopisë dhe në kufi me Sudanin dhe Eritrenë, dhe po akuzohet sërish se po ndihmon frontin e gueriljes lokale. Një zonë kjo historikisht e rëndësishme, e pasur me monumente antike dhe ku legjenda thotë se fshihet Arka e Nuhut.

Organizata si Kombet e Bashkuara dhe Unioni Afrikan, që vjet përgëzonin 44-vjeçarin Abiy, liderin më të ri të Afrikës, sot kërkojnë që armët të ndalojnë dhe të kufizohet gjakderdhja.