Mpiksje gjaku, një sërë shtetesh kufizojnë përdorimin e vaksinës AstraZeneca

Mpiksje gjaku, një sërë shtetesh kufizojnë përdorimin e vaksinës AstraZeneca. Shtohen vendet që kufizojnë përdorimin e vaksinës së Oxford-AstraZeneca, pasi Agjencia Europiane e Barnave e lidhi me raste të rralla të mpiksjes së gjakut.

EMA tha se kishte zbuluar 169 raste të trombozës venoze cerebrale deri në 4 prill, nga 34 milionë vaksinime të kryera. Këmbëngulja e rregullatorit europian, se përfitimet e vaksinës i tejkalojnë rreziqet nuk e ka zbutur frikën rreth Europës.

Ministria e Shëndetësisë në Spanjë, njoftoi se do t’ia jepte vaksinën vetëm personave deri në 65-vjeç. ”Bazuar në informacionin në dispozicion, rekomandojmë përdorimin e vaksinës së AstraZeneca te personat mbi 60-vjeç. Agjencia e Barnave në Spanjë ka raportuar 12 raste të mpiksjes së gjakut mes 1.7 milionë personave që kanë marrë vaksinën, e gati të gjitha kanë ndodhur te gra nën moshën 55-vjeçare”.

Ekspertë të shëndetësisë në Itali rekomandojnë përdorimin e vaksinës në mënyrë preferenciale te personat mbi 60-vjeç. Ata që e kanë marrë dozën e parë, inkurajohen të mos e refuzojnë të dytën, pasi nuk ka të dhëna që do të sugjeronin të kundërtën. Më herët, Britania e Madhe, njoftoi se personave nga 18-29 vjeç do t’u ofrohej një alternativë ndaj vaksinëse AstraZeneca mes shqetësimeve për çrregullim të mundshëm të gjakut.