Ndodh në Kanada!

Jagmeet Singh, një avokat 38 vjeçar dhe praktikues i Sikhut, u zgjodh të dielën drejtuesi i partisë së majtë në Kanada, duke u bërë politikani i parë jo i bardhë që kryeson një parti të madhe politike atje.

Veshja e tij jo e zakontë për vendasit e dalloi shpejt atë në publik, ndërsa ka qenë ligjvënës i Ontarios. Tashmë, ai do të udhëheqë Partinë e Re Demokratike (NDP) në zgjedhjet federale të vitit 2019 kundër kryeministrit Justin Trudeau nga liberalët.

 “Faleminderit, demokratë të rinj. Drejtimi për kryeministër fillon tani”, tha Singh në Twitter.

Singh siguroi 54% të votave, duke mposhtur tre rivalët e tij për në krye të NDP-së, duke pasuar Thomas Mulcair. Rezultatet e votimit, të kryera në internet dhe me postë, u njoftuan në një takim të partisë në Toronto.

Trudeau e përgëzoi rivalin e tij, të cilin e ka pasur në kabinet si ministër të Mbrojtjes, duke theksuar se “mezi pres të flas me të dhe të punojmë së bashku për kanadezët”.

Politikani i zonës së Torontos, i cili ka udhëhequr mbledhjen e fondeve për partinë, është konsideruar nga mbështetësi si lideri i duhur për të sjellë një grymë të re në parti, e cila ka luftuar jo pak që nga vdekja e ish-udhëheqësit karizmatik Jack Layton në vitin 2011.

Profili i Singh u rrit më herët muajin e kaluar teksa një video u bë virale ku ai përgjigjej me qetësi teksa u akuzua si islamik dhe se kërkonte ligjin e Sheriatit në Kanada. Në fakt, ai nuk i përket besimit mysliman, por i Sikhut dhe vjen nga India.

Christopher Cochrane, një profesor i shkencave politike në Universitetin e Torontos, tha: “Aftësia e tij, në të qenit në gjendje për të zbutur situatën, i bëri thirrje shumë njerëzve që të mbështetnin”.

NDP është partia e tretë më e madhe në parlamentin federal, me 44 nga 338 vende. Partia mbetet shumë prapa liberalëve të qendrës dhe konservatorëve të djathtë në mbledhjen e fondeve politike këtë vit, sipas të dhënave të Elections Canada.

Ka pengesa përpara. Singh nuk ka një vend në parlamentin federal dhe do të duhet të fitojë atë në zgjedhjet e ardhshme. Ai gjithashtu duhet të bindë votuesit se partia e tij mund të formojë një qeveri, megjithëse kurrë nuk ka mbajtur pushtetin federalisht.