Në këtë fabrikë çimentoje u gjetën 1500 kilogram drogë

Në një fabrikë çimentoje në Itali është gjetur një sasi prej 1470 kilogram kanabis sativa, si dhe 10 kilogram kokainë. Kokaina ishte e ndarë në 10 pako, ndërsa kanabisi në 49 pako me nga 30 kilogram secila.

Shitja në treg e kanabisit do të kapte vlerën e 8 milionë eurove, ndërsa shitja e kokainës vlerën e 1 milionë e gjysmë eurove.

Policia italiane ka nisur hetimet për zbardhjen e prejardhjes së drogës e zbulimin e bashkëpunëtorëve të tre të arrestuarve. Fabrika ndodhej në Palermo.