Nëntë ditë të bllokuar në minierë. Dy minatorët koreanë mbijetuan vetëm me kafe

Dy minatorë kaluan nëntë ditë të bllokuar në një minierë zinku të shembur në Korenë e Jugut, duke jetuar me pluhur kafeje. Pra me kafen e pa zierë.

Burrat, e moshës 62 dhe 56 vjeç, arritën të ndiznin një zjarr atje brenda, për t`u ngrohur dhe sajuan një tendë plastike.

200 metra nën tokë që prej datës 26 tetor.

Po si mbijetuan për 9 ditë pa ushqime?

Autoritetet thanë se minatorët mbijetuan duke pirë ujin që binte nga tavani dhe duke përdorur pluhur kafeje në vend të vakteve të ushqimit.

Operacioni i shpëtimit filloi të enjten kur punonjësit e emergjencës shpuan një vrimë dhe futën një kamerë të vogël në përpjekje për të gjetur minatorët. Ata u zbuluan të ulur krah për krah për t’u ngrohur, në një dhomë të gjerë ku takoheshin disa boshte minierash.