New York-u, qyteti i parë që bën me detyrim vaksinat anti-covid

Të gjithë punëdhënësit privatë në qytetin e Nju Jorkut, do të duhet të mandatojnë vaksinat kundër Covid-19 për punëtorët e tyre, ka njoftuar kryetari i bashkisë së qytetit, Bill de Blasio.

Mandati i vaksinës për bizneset private do të hyjë në fuqi më 27 dhjetor. De Blasio tha se synon të parandalojë një rritje të infeksioneve Covid gjatë sezonit të festave dhe muajve të ftohtë.

Qyteti tashmë ka mandate vaksinash për punonjësit e spitaleve dhe shtëpive të pleqve dhe punonjësit e qytetit, duke përfshirë mësuesit, oficerët e policisë dhe zjarrfikësit, si dhe një mandat të veçantë për punonjësit e shkollave private dhe fetare që u njoftua javën e kaluar.