Papa Françesku u përgjigjet të rinjve në një dokumentar

Që nga fillimi i pontifikatit të tij në 13 mars 2013, Papa Françesku është përpjekur të tregohet sa më afër nevojave të njerëzve, sidomos ata në vështirësi apo të margjinalizuar. Edhe zgjedhja e emrit të tij nuk ishte e rastësishme, duke qenë se Shën Françesku ishte shenjtori që u zhvesh nga gjithçka për t’iu përkushtuar besimit. Me të, njerëzit e kanë pasur gjithmonë më të thjeshtë për t`u afruar.

Dhe pikërisht për këtë arsye do të flasë si rrallëherë në një dokumentar. Nga 5 prilli, në Disney Plus Papa do të shfaqet në një dokumentar dhe do të flasë për tema të tilla si seksualiteti, aborti dhe emigracioni.

“AMÉN: Francisco Responde”, ky është titulli. Në të do të japë jo vetëm këndvështrimin e kishës, por edhe të vetin.

Në dokumentar do të jenë edhe 10 të rinj që do bëjnë pyetje të guximshme ndaj Papës. Që nga shqetësimet e përditshme të të rinjve, deri tek sa paguhet Papa.

Filmi dokumentar është realizuar në Romë nga Jordi Évole dhe Màrius Sánchez.