Nis pelegrinazhi i Haxhit

Nis në Mekë pelegrinashi i përvitshëm i Haxhit. Për herë të parë për shkak të pandemisë nuk janë lejuar pelegrine nga vende të tjera, përveç atyre në Arabinë Saudite. Numri i besimtarëve në Haxhin e këtij viti do të jetë nga 1,000 deri në 10,000. Kulmi i ritualit bie më 30 korrik sipas kalendarit hënor islam.

Kjo e mërkurë ka shënuar edhe nisjen e pelegrinazhit vjetor të Haxhit në Arabinë Sausite.

Por ndryshe nga herët e tjera këtë vit numri i besimtarëve myslimanë ka qenë tepër i kufizuar për shkak të frikës nga pandemia e koronavirusit.

Rituali i përvitshëm zgjat pesë ditë dhe ky udhëtim konsiderohet si nga pesë shtyllat e islamit, dhe një detyrë që duhet ta kryejnë besimitarët myslimanë që mund ta përballojnë edhe fizikisht udhëtimin shpirtëror.

Këtë vit për shkak të Covid 19 është ka ndryshuar edhe organizimi i ngjarjes së rëndësishme fetare, pasi fluski i njerëzve që vizitojnë zonat fetare në Mekë, rrezikon përhapjen e virusit.

Për herë të parë në historinë moderne të Arabisë Saudite nuk janë lejuar pelegrine nga vende të tjera, përveç atyre në Arabinë Saudite.

Çdo vit, më shumë se 2 milionë pelegrinë nga 180 vende të botës udhëtojnë në Mekë, në atë që zakonisht është një prej organizimeve më të mëdha fetare.

Ndërsa këtë vit është raportuar se numri i besimtarëve në Haxh do të jetë nga 1,000 deri në 10,000.

Kulmi i ritualit këtë vit bie më 30 korrik, e përcaktuar kjo nga pozita e Hënës, në përputhje me kalendarin hënor islam.

Sa i përket shufrave të pandemisë, Arabia Saudite ka regjistruar më shumë se 270,000 raste të infektimit dhe 2,789 vdekje, si pasojë e koronavirusit.