”Nuk duam luftë”, Putin akuzon Ukrainën për gjenocid

Presidenti rus, Vladimir Putin, pas takimit me kancelarin gjerman, Olaf Scholz, në Moskë, thotë se vendi i tij nuk do luftë. Shefi i Kremlinit tha se Moska ka parashtruar propozime për procesin e negociatave, por se nuk ka pasur reagim konstruktiv nga NATO.

“Nuk do ta pranojmë kurrë zgjerimin e NATO-s deri në kufijtë tanë”, tha Putin, duke shtuar se aleanca e ka për detyrë të mos e fuqizojë sigurinë në kurriz të vendeve të tjera.

Nga ana tjetër, Putin akuzoi Ukrainën se ka kryer gjenocid në zonat që mbahen në kontroll nga rebelët e mbështetur nga Moska, në Donbas. “Në këndvështrimin tonë, ajo që po ndodh në Donbas është gjenocid”.